නොපිපෙන මල් කැකුළ
මල් තුහින ගෙන වඩින උදෑසන
හී ගෙතු සීතලෙන් මුකුලිතව
පෙති විදාලන්නට බැරි කුසුම්ණිය
මල් මකරන්ද සොරු ගනිතැයි බියකින්ද
පින් පිරූ සහස් රැස් දෝතක්ම
ගෙන ආමි කොපුලතෙහි තවරන්න
ඇයි තවත් පමා මල් පූදින්න
හිරු දවන මහ ගිනි දහවල
පිණි වැටෙන සීත රෑ තුන්යම
අනිමිස ලෝචනය කළ නෙත් අග
ඇබින්දක්වත් සිනා පුදන්න
මහා ගල් කුලක් වුව වෙහෙසව
අවැසිනම් හැකිය අස්වද්දන්න
කප් කෙළක් පාරමි පුරා වුව
බැරිය මුදු මලක පෙති විදහන්න
හේබාව ගිය පරඬ්ලාපත් අග
අවසාන සුසුමක්ව යාදින
මියදෙනා දෙතොලඟට සුවරඳන
අමා පැන් බිඳක්වත් ගෙන එන්න
උල්පත්ව නැගෙන දුක් කඳුළකට
සොඳුරු වෑබඳක්වී නවතින්න
පමාවී ඇයි තවත් පින්සරාවිය
සත්තකින් තාම හිත නුඹ ගාව
පද රචනය - ආනන්ද බණ්ඩාර
